Það verður lokað hjá okkur um páskana en við opnum aftur þriðjudaginn 11. apríl. Gleðilega páska :)

RIE - Fyrsta æviárið ... þar sem meðvitund, hæglæti og traust leiða í uppeldi ungbarna. Örfyrirlestur mánudaginn 3. apríl kl. 14.00. Hulda Margrét Brynjarsdóttir, Leið að uppeldi.

Það verður mikið um að vera á Bókasafninu Vetrardögum 16. - 19. mars. Jón Sverrrisson ætlar að segja okkur frá starfi sínu og Vinnuskólans, börnin á Akraseli verða með sýninguna Leikskólinn minn, Héraðsskjalasafnið verður með sýninguna Úr ólíkum áttum, verk úr listaverkaeign Akraneskaupstaðar. Á föstudaginn verður afleggjaskiptimarkaður á safnunu á milli kl. 16 og 18 og á laugardaginn bjóðum við börnum að ættleiða fræ. Gróðursetja fræ og merkja sér pottinn og fylgjast svo með því vaxa þar til það er tilbúið að fara heim.

Foreldramorgnar halda áfram á fimmtudagsmorgnum kl. 10 enn sem komið er, kannski kemur annað í ljós á þessum umræðufundi, hver veit. Hlakka til að hitta ykkur og spjalla, Hrafnhildur Maren.

Hjá okkur er aðstaða til að setja upp sýningar á veggjum og/eða í sýningarkössum. Sýningar standa að jafnaði yfir í um fjórar vikur og eru þær opnar á afgreiðslutíma safnsins. Sýningaraðstaðan er lánuð endurgjaldslaust. Við mat umsókna er farið eftir hvernig sýning hentar sýningaraðstöðu safnsins og fjölbreytileika sýninga.

Halldóra Jónsdóttir lét af störfum sem bæjarbókavörður nú um áramótin og viljum við þakka henni innilega fyrir ánægjulegt samstarf á liðnum árum. Óskum við henni velfarnaðar í framtíðinni. Við hennar starfi tók Ingibjörg Ösp Júlíusdóttir.